Времето денеска ќе биде променливо облачно со сончеви периоди.
Попладне на повеќе места ќе биде нестабилно со пороен дожд, грмежи и засилен ветер.
Локално процесите ќе бидат поинтензивни во форма на невреме со пообилен пороен дожд, грмежи, силен ветер (над 60 километри на час) и услови за изолирана појава на град.
Минималната температура ќе биде во интервал од 9 до 18, а максималната ќе достигне од 23 до 32 степена.
Во Скопје, променливо облачно со сончеви периоди.
Попладне ќе биде нестабилно со пороен дожд, грмежи, засилен ветер и услови за изолирана појава на краткотрајно невреме.
Минималната температура ќе се спушти до 15, а максималната ќе достигне до 30 степени.
УХМР најавува дека утре и во сабота времето ќе биде стабилно со пониски температури.
Од недела температурите повторно ќе бидат во пораст, а во попладневните часови ќе има локална појава на нестабилност со пороен дожд, грмежи и засилен ветер.