Асоцијацијата на спортски обложувалници на Македонија (АСОМ) и нејзините постојани и придружни членки, „Спорт Лајф“, „Моцарт“, „Златна Копачка“, „Евротип“, „Марбет“ и „Банана Кик“, преку соопштение изразија длабоко сочувство до семејствата на загинатите и што поскоро опоравување на повредените во автобуската несреќа која се случи на патниот правец Скопје – Тетово.
„Трагедијата е огромна, болката е заедничка, човечките животи незаменливи. Тагата и болката не познаваат граници, ниту нација, ниту вера. Тагата е заедничка и сите заедно сплотени чувствуваме морална обврска да се обидеме да им помогнеме на нашите сограѓани“, се вели во соопштението на АСОМ.
ОД асоцијацијата додаваат дека членовите итно и едногласно донеселе одлука за донирање на средства во висина од 1.200.000 денари како помош за семејствата на настраданите во оваа голема трагедија.