Поминаа повеќе од 48 часа, Вања ја нема: МВР трага деноноќно по неа

Од:

Поминаа повеќе од 48 часа, а 14-годишната Вања Ѓорчевска се уште ја нема. Потрагата по ученичката Вања која исчезна во понеделникот одејќи на училиште во центарот на Скопје, се уште трае и мобилизирани се сите ресурси.

Од МВР за „А1он“ велат дека потрагата е интензивна и трае деноноќно, а мобилизирани се сите ресурси. Полицијата апелира да не се шират дезинформации.

Од вчера официјално и фотографија на малолетната Вања е објавена и на сајтот на МВР во делот исчезнати лица.

„ ЃОРЧЕВСКА ВАЊА татко Александар мајка Зорица род.27.02.2009 год. во Скопје каде и живее.
Исчезната на 27.11.2023 год. во утринските часови на пат кон ООУ „Песталоци“ во општина Центар-Скопје.
Опис: висина 175 см, тежина 58 кг, коса темно кафеава, очи кафеави, носи протези на горни и долни заби,има бемка на десна страна од лицето. Облечена во плав блузон, црна јакна, црни фармерки со странични џебови, бели патики со кафеави линии.Со себе носи школски ранец и мобилен телефон марка Ајфон.“ стои во објавата на МВР.

Јавноста е вознемирена од настанот бидејќи Вања исчезна во Дебар Маало кое е едно од најфрекфрентните делови на Скопје и и се губи трагата среде бел ден.

Информацијата за нејзиното исчезнување ја пренесоа и регионалните медиуми, а информациите за нејзиниот физички изглед кои можат да допринесат за нејзино препознавање, се споделуваат и на македонски и на англиски јазик на социјалните мрежи.
Доколку имате било каква информација јавете се во најблиската полициска станица, а препораките од веб страната на МВР за помош во случаи на исчезнати лица може да ги прочитате на следниот линк.

Би можело да ве интересира

Туфегџиќ: Обвинителството треба да се фокусира на дискредитирање на исказите, а не на личноста на Ѓорчевски

А1он

Таткото на Вања низ солзи сведочеше, тврди дека не ги познава другите обвинети: Тие не чувствуваат ниту вина ниту покајание

Катерина Ѓуровски

Кешишев бил домар во „Десна“, правел се што му кажувал Палчо, за убиствата не кажал оти го „опоменале“

Катерина Ѓуровски

Таткото на убиената Вања, Александар, треба сведочи денеска

Катерина Ѓуровски

Кешишев дознал за таткото на Вања во притвор, Палевски најави над 90 прашања

Катерина Ѓуровски

Палевски ќе го испрашува Кешишев за кого бил „царот“

Катерина Ѓуровски