Полициските „Алфи“ приведоа три лица барани по распишани потерници

Од:

Три лица, познати на полицијата, кои се бараа со распишани потерници за издржување затворски казни за различни тешки кривични дела, од загрозување на безбедноста до спречување избори и гласање, беа приведени од припадниците на мобилната единица „Алфа“.

Во Скопје, на улицата „Ќемал Сејфула“, пронајден е и приведен Јетон Р. (26), баран по наредба од Основен суд Скопје 1 за издржување казна затвор во траење од вкупно тринаесет години и шест месеци. Пресудите му се изрекувани за повеќе кривични дела како неовластено производство и пуштање во промет наркотични средства и други психотропни супстанци, даночно затајување, загрозување на безбедноста, употреба на исправа со невистинита содржина, измами и прикривања.

МВР денеска соопшти дека во вториот случај, на местото викано „Љубински пат“, лоциран и приведен е Исмет А.(41) од скопското село Сарај,  баран по наредба од Основен суд Скопје 1 – Скопје за издржување казна затвор во траење од една година за фасификување пари и за извршени повеќе тешки кражби.

„Алфите“ на улицата „Антон Попов“ го приведоа и Али А.(35) од скопското село Грушино, баран по наредба на Основен суд Скопје 1 – Скопје за издржување казна затвор во траење од шест месеци за спречување избори и гласање, недозволено изработување, држење и тргување со оружје.

Би можело да ве интересира

МВР: Лажни се пријавите за поставени бомби во училишта во Скопје и Куманово

Горан Наумовски

Расчистени три измами со лажни сообраќајки во Битола, поднесена е кривична пријава

ВИДЕО: Како работела лихварската банда – наплаќале огромни камати, одземале имот и живееле луксузно

Катерина Ѓуровски

Фатен бегалец од штипскиот затвор осуден за убиство

Полициска акција во Скопје, се прават претреси поради лихварство и перење пари

Катерина Ѓуровски

МВР: Во Прилеп уапсени се две лица поради „поткуп при избори и гласање“