67-годишна жена беше спасена од водите на реката Вардар во близина на хотел во Скопје, информира Министерството за внатрешни работи.
– Денеска во 10.16 часот, веднаш по добивање на пријава во СВР Скопје дека има женско лице во р.Вардар, во близина на хотел во Скопје, полициски службеници од интервентната полиција влегле во водите на Вардар и ја извадиле жената, на која веднаш ѝ е пружена прва помош, се наведува во соопштението на МВР.
Потоа 67-годишната жена е пренесена во Градската општа болница „8 Септември“, при што не биле констатирани повреди.