Дозволи за оружје за сигналните пиштоли плашливци ќе воведе МВР.
Покрај плашливците дозволи ќе се воведат и за воздушното оружје со енергија на зрното над 7,5 џули и за оружјето со тетива со сила на натегнување над 45 килограми. Овие оружја сега се во слободна продажба, а купувачите мора да ги пријават во полиција за што добиваат потврда.
Измени на Законот за оружјето ги менуваат повеќе од половина од членовите на актуелниот закон, кој досега шестпати е менуван.
Измените на законот предвидуваат и електронска евиденција со која е предвидено следење на оружјето, со кое законски се тргува и се поседува.
`Плашливците`, иако не истрелуваат проектил и служат за сигнализација, од сега ќе се класифицираат како огнено оружје.