Поголема количина стебла и искорнати гранки „канабис сатива“ пронашла вчера полицијата на две одвоени парцели во атарот на тетовското село Палатица информираше портпаролот на СВР Тетово, Марјан Јосифовски.
Според неговите податоци на парцела сопственост на А.Ј.(55) биле пронајдени и искорнати 89 стебла „канабис сатива“ со различна големина од половина до два метри, а до меѓа со соседната парцела на И.Џ. ( 43 ) пронајдени се уште 57 делови -гранки, од вакви искорнати стебла.
Пронајдените стебла со соодветна судска наредба се одземени и ќе вештачат. Се расветлуваат сите поединости во врска со пронајдените количини „канабис сатива“ по што ќе следуваат поднесоци, изјави Јосифовски.