Во текот на ноќта и утринава полиција приведе неколку лица поврзани во група која тргувала со предмети од културно- историско наследство. При претресите кај уапсените се пронајдени икони и значајни артефакти. Акцијата на МВР следува по неколкуте кражби на стари и вредни икони низ црквите.
Во полицијата потврдуваат дека во тек е акција и најавуваат детали за попладневните чаови откако сите осомничени ќе бидат приведени и испрашани во полициска станица.
Не се исклучува тие да бидат изнесени и пред истражен судија со барање да им се одреди притвор. МВР се уште не открива од каде се и кои се приведените, но неофицијално има од неколку места низ државата, а се споменуваат и вработени низ Управата за културно наследство.
Не се открива и колку предмети се откриени и дали кај оваа група се наоѓаат иконите кои во последните месеци изчезнаа од храмовите на МПЦ. Непозната е и шемата- каде ги криеле и каде ги продавале вредните артефакти.
