Царинската управа открила околу 350 килограми марихуана на граничниот премин Меџитлија, по што денеска следувале полициски акции во скопските села Арачиново и Сингелиќ. Во акцијата на МВР се приведени десетина лица на распит во полиција.
Според првичните неофицијални информации, станува збор за продолжение на акцијата „Диригент“ за разбивање на организирана мрежа за трговија со дрога во градовите Виена и Франкфурт, која започна во 2010 година во Австрија и во Германија.
МВР соопшти дека и оваа акција е во соработка со австриската полиција.
Акцијата во јавноста беше попозната како „Франкфуртска мафија“.
Тогаш во оваа акција беа уапсени 29 македонски државјани, а највисоката затворска казна од 13 години му беше изречена на Спасе Димовски – Ајдукот, кој ја раководел мафијата.