Од 259 контролирани возачи во зајакнатата акциска контрола што ја спроведе СВР Куманово во деновите од викендот, констатирани се 80 прекршоци на законите за безбедност на сообраќајот на патиштата и за возила.
Според СВР Куманово, „загрижувачки е податокот дека најголем број прекршоци, во 50 случаи, се констратирани за управување возило под дејство на алкохол“.
Осум прекршоци, според денешното соопштение од СВР Куманово, се за управување возило пред стекнување право за управување со моторно возило. Регистрирани се и 22 останати прекршоци од кои 9 се за нерегистрирани возила, пет прекршоци за возач почетник…
Во интерес на безбедноста на учесниците во сообраќајот и на граѓаните СВР Куманово апелира да не се управува возило под дејство на алкохол и да се почитуваат сообраќајните правила и прописи.
