Полицијата сеуште истражува дали се работи за убиствo или самоубиство на разузнувачот Јонче Грујоски, вработен во Агенцијата за разузнавање. Не се соопштува дали 41 годишниот Јонче Грујоски бил сам во просторијата или пак имало уште некој кога е испукан куршумот. Единствено од МВР информираат дека е пронајден пиштол, кој е земен за вештачење. Според полицискиот извештај, настанот се случил во 15.15 часот, а Грујоски се здобил со огонстрелна рана во пределот на срцето. Настанот го пријавиле од градската болница каде констатирале смрт кај разузнувачот, а телото е предадено на обдукција во Институтот за судска медицина, од каде што се очекува наодот за смртта на Грујоски, од која далечина е пукано во него.
