Полицаец од Куманово фатен на дело како прима поткуп за да спречи истрага против фирма

Од:

Полицаец од Куманово вечерва е приведен за поткуп за наводно спречување истрага против правно лице.

-Полициски службеници од Одделот за криминалистичка полиција-Сектор за економски криминал и корупција околу 18 часот во Куманово го лишија од слобода полицискиот службеник И.С. поради постоење на основано сомнение дека сторил кривично дело-примање поткуп по член 357 , примање награда за противзаконито влијание по член 359, и злоупотреба на службената положба и овластување по член 353, од КЗ, соопшти МВР.

Како што појаснуваат, полицаецот, од правно лице од Куманово побарал пари за наводно да сопре наводна истрага против тоа правното лице, при тоа повикувајќи се на наводна блискост со високи полициски функционери.

Од полицијата информираат дека сопственикот на фирмата го пријавил случајот во МВР по што вечерва во Куманово, во просториите на фирмата, тој на И.С. му дал претходно технички обработени 2.000 евра, а откако ги зел парите, полицаецот бил приведен.

Би можело да ве интересира

Битолчанец платил 22.500 евра за да му се вработи синот во МВР

(ВИДЕО) Шукова: Нов скандал во МВР, милионски тендер за возачки испити заврши кај советник на ВМРО-ДПМНЕ

Горан Наумовски

Приведени полицајци во врска со пожарот во „Пулс“ во Кочани

А1он

Обновување на форензички софтвер, нема набавка на „софтвер за шпионажа“, реагира МВР

Катерина Ѓуровски

СДСМ: МВРО-ДПМНЕ на старите патеки, МВР набавува сомнителен софтвер за прислушкување

Малолетници избоделе жител на Студеничани, со тешки повреди сместен во болница

Катерина Ѓуровски