Полицаец од Скопје бил пронајден тешко повреден од огнено оружје, утрово на улицата Сава Ковачевиќ во скопската населба Кисела Вода.
Според полицијата, станува збор за М.С. (32), кој е пренесен во Ургентниот центар и лекарите се борат за неговиот живот. Полицaeацот има прострелна рана во градниот кош, а покрај него бил пронајден неговиот службен пиштол и чаура.
Неговите родители утрово околу 5:30 часот го пронашле синот како лежи облеан во крв на улицата, во близина на нивниот дом. Полицијата извршила увид, а истрагата треба да утврди дали сттанува збор за обид за убиство, несреќен случај или пак обид за самоубиство.