Отсекот за превеција од СВР Куманово и Црвениот Крст денеска организираа показна вежба на градскиот плоштад во Куманово и ги едуцираа граѓаните како да пружат помош на повредени лица.
Волонтерите од Клуб на млади на Црвениот Крст Куманово им помагаа на возачите да укажат прва помош при сообраќајна несреќа. Припадниците на СВР ги стопираат возила, а потоа возачите укажуваат прва помош на повредено лице. Обучени волонтерите од Црвениот крст ги обучуваа возачите како правилно треба да се санира повредата и да се помогне на повредено лице при сообраќајна несреќа.
-Безбедноста во сообраќајот е еден од главните приоритети на СВР Куманово затоа и отсекот за превенција во текот на целата година спроведува едукативни работилници, најчесто со најмладите, со цел градење на свеста за безбедност во сообраќајот, со оглед на се поголемиот број на случени сообраќајни несреќи, изјави, Марјан Павличек, од СВР Куманово.
Со цел на градење на доверба помеѓу полицијата и граѓаните, денеска беше организирана посета на основци во Секторот за внатрешни работи Куманово и едукативна работилница за најмладите.