Во редици уште пред девет часот граѓаните со билет во рака, чекаа да седнат на една од масите на Камениот мост, за групниот појадок.
За разлика од пред две години, кога имше турканици, оваа година редари и полиција беа причината што појадокот помина без инциденти.
Иако се најавуваа две илјади луѓе, сепак половина од Камениот мост и масите поставени на другиот дел од мостот, останаа празни.
Единствено што остана исто и оваа година е масовното полнење на торбите со храна, што граѓаните ги носеа по појадокот. Се земаа сите производи кои останаа. Имаше трчаници да се земе јајце варено, зденка, сирење и кекс колачиња.
Градоначалникот на Скопје, Коце Трајановски, кажа дека појадокот на мост е идеја која има за цел да ги спојува различните култури во државата со симболиката на јадењето на иста маса.
Тој додаде дека, од следната година, кога ќе се завршат, појадокот ќе се дава и на другите мостови во центарот на Скопје.