Попладнево на градските гробишта Бутел беа погребани Драги Мицев, Тоде Орешков и Иљо Лопатички. Од тројцата пилоти кои загинаа во хеликоптерската несреќа кај Струмица се простија најблиските, пријателите и колеги од Министерството за внатрешни работи.
Колегите на Драги, Иљо и Тоде им упатија последен поздрав од копно и од воздух, а до вечните почивалишта беа испратени со највисоки државни почести.
Утринава во Соборниот храм беше одржано опело за трагично загинатите. Четвртиот пилот кој загина во несреќата Марјан Трајковиќ беше погребан вчера во родното Куманово.