Екипи на „Енергомонт“ од Скопје работат на нова водоводна мрежа во дел од населените места во општината Ѓорче Петров.
Со изградбата на новите краци, во вкупна должина од 2.500 метри, видно ќе се подобри квалитетот на водоснабдувањето во Волково-пржина, Кисела Јабука и Волково.
До крајот на јуни оваа година ќе завршат градежните работи, а низ новата мрежа ќе протече здрава вода за пиење од градскиот водовод. Проектот чини 230 илјади евра, грант средства од Светската банка по апликација на општината со готови проекти.