Поднесено обвинение за тешка кражба за двајца скопјани

Од:

Основното јавно обвинителство Скопје поднесе обвинителен предлог против две лица, кои како соизвршители сториле продолжено кривично дело „тешка кражба“.

Како што соопшти денеска Јавното обвинителство, обвинетите, скопјани на возраст од 27 и 43 години, со умисла извршиле две временски поврзани дејствија, искористувајќи ист траен однос и исти прилики што претставува повеќекратно остварување на кривичното дело тешка кражба.

Обвинетите на 2 јули 2020 година, околу 01.00 часот, со погоден алат – токмак го искршиле долниот дел од заштитниот ѕид на затворена просторија од магацин – тезга и одзеле туѓи подвижни предмети, облека, во вкупна вредност од 21.420,00 денари. Истиот ден, околу 03.00 часот го провалиле и магацинот – тезга на второоштетената од каде, со намера противправно да ја присвојат, одзеле облека во вкупна вредност од 180.480,00 денари.

При напуштање на местото со украдената облека спакувана во најлонски ќеси, обвинетите биле фатени од надлежни полициски службеници.

Со поднесениот обвинителен предлог, јавниот обвинител до Основниот кривичен суд Скопје достави и предлог за продолжување на веќе определената мерка притвор за едно од обвинетите лица, а за другото обвинето лице предлог за продолжување на веќе определената мерка куќен притвор, бидејќи постои опасност од бегство на обвинетите и можност за попречување на натамошната постапка.

Би можело да ве интересира

Турски државјанин со мобилен телефон украл 11.000 евра

Ана Ололовска

Соодветен поднесок за 13-годишен струмичанец за извршување на 13 кривични дела

А1он

Кражба на бродска опрема од пловни објекти во Студенчишкиот канал во Охрид

Ана Ололовска

Двајца прилепчани обвинети за тешка кражба во Скопје

Ана Ололовска

Пензионери од Штип и Свети Николе измамени при набавка на огревни дрва

Ана Ололовска

Приведен гостиварец што плаќал со фалсификувани евра

Ана Ололовска