Поднесено обвинение во предметот познат како „Лидери“

Од:

По спроведена предистражна и истражна постапка од поранешното Јавно обвинителство за гонење на кривични дела поврзани и кои произлегуваат од содржината на незаконското следење на комуникациите, Основното јавно обвинителство Скопје денеска поднесе Обвинителен акт против едно лице во предметот во јавноста познат како „Лидери“. Обвинетиот 50-годишник од Скопје се товари за кривично дело – Бесправно градење согласно член 244-а став 1 од Кривичниот законик информираат од Основното јавно обвинителство.

„Во периодот од септември 2011 до февруари 2013 година, обвинетиот градел на земјиште во државна сопственост на булеварот „Никола Карев“ во Скопје, за кое во 2004 година имал склучено Договор за закуп и користење на пасишта со ЈП за пасишта – Подружница Бит Пазар – Скопје. Иако согласно договорот бил корисник на земјиштето за период од 10 години, тој инвестирал во градба на армирано-бетонски објект од втора категорија. Без одобрение за градба тој изградил станбена зграда на два ката со вкупна корисна површина од 1.001 м2, со деловен простор и шест стана“ – стои во соопштението од ЈО.

Би можело да ве интересира

Обезбедувачот на Мицкоски требало да земе 50 илјади евра за документите од МВР

Тепаната жена не сака да го тужи насилникот, случајот го пријавила мајка и, МВР поднесе пријава за „телесна повреда“

Катерина Ѓуровски

Скопјанец украл 10 илјди евра од менувачница

Истрага за трговија со дрога против три лица

Формиран е тим од петмина обвинители за истрагата за несреќата во Кочани

Катерина Ѓуровски

Ја истепал и ја силувал во автомобилот на татко му, се бара пртивор за скопјанец