Меѓународниот турнир во одбојка на песок „Скопје 2015“, кој ќе се одржи од 19 до 23 август оваа година, доби „зелено светло“ од супервизорот на ЦЕВ – Европската одбојкарска конфедерација Фелипе Пасквал.
Како што информираат од Град Скопје, Пасквал остварил средба со градоначалникот Коце Трајановски, и Зоран Карановиќ, генерален секретар на Македонската одбојкарска федерација.
На средбата било разговарано за подготовките за одржувањето на традиционалниот Меѓународен турнир кој од оваа година ќе влезе во календарот на Европската одбојкарска конфедерација за одбојка на песок како сателит турнир.
Одбојкарскиот турнир на песок ќе се одржи на градската плажа „Парк“.
