Општина Илинден денеска во домот на културатаво периодот од 10:00 до 14:00 часот ја организира 12-та по ред традиционална Манифестација „Подарете книга за Велигденско јајце – симбол на Христовото Воскресение”.
Секој посетител на манифестацијата што ќе подари книга за возврат ќе добие црвено Велигденско јајце.
Во изминатите единаесет години во манифестацијата „Подарете книга за Велигденско јајце – симбол на Христовото Воскресение” што се одржува секоја година на Велик четврток, во пресрет на најголемиот христијански празник Велигден, вкупно се собрани 32.000 книги наменети за општинската библиотека Илинден, општинската библиотека во Домот на култура Марино и библиотеките во основните училишта.