Во Неготино денеска почна традиционалната тридневната манифестација „Неготински панаѓур 2014”.
– И годинава имаме голем број производители и трговци кои на посебни тезги нудат најразлични производи за потребите на сите граѓани без разлика на нивната возраст, а за љубителите на музиката се погрижија угостителските објекти во кои гостуваат естрадни уметници, изјави градоначалникот Ванчо Апостолов.
Тој нагласи дека и годинава се очекува панаѓурот да биде посетен од голем број тиквешани, но и гости од други места.
Манифестацијата традиционално се одржува секоја година на верскиот празник Мала богородица за време на гроздоберот во Тиквешијата.