Тригодишно девојче од струшко Ново Село почина како последица на изгореници кои ги добила во пожарот што ја зафатил нивната куќа.
Како што е наведено во полицискиот билтен, вчера во 11 часот во куќата сопственост на Г.И.(32) од засега непознати причини настанал пожар, а во куќата била неговата тригодишна ќерка, која се здобила со изгореници.
Девојчето во тешка здравствена состојба било пренесено во Медицинскиот центар во Струга, од каде поради сериозноста на повредите требало да биде транспортирана во болница во Скопје, но пред Кичево состојбата и се влошила, по што била пренесена во Медицинскиот центар во Кичево, каде во 14:20 часот починала.
Пожарот бил изгаснат од Територијалната противпожарна единица од Струга. Во согласност со јавен обвинител телото на починатото девојче е предадено на семејството за погреб.
