Друштвото на писателите на Македонија соопшти дека вчера на 1 јануари, по подолго боледување, во 72-та година од животот почина писателот Коле Мангов.
Посмртните останки на Коле Мангов беа погребани денеска на гробиштата Бутел, во Скопје.
Коле Мангов е роден во 1940 година во селото Баница, Леринско, Егејска Македонија. Член на Друштвото на писателите на Македонија беше од 1977 година. Автор е на поетските книги „Гладострав” и „Вик”, како и на публицистичките дела „За македонските човекови права” и „Во одбрана на македонскиот национален идентитет”.