Починаа двајца браќа од четирите лица тешко повредени во пожарите во Струмица. Повредените со големи изгореници по телото им подлегнале на повредите и починале пладнево во Градската болница.
Педесетгодишниот вработен на „Шумско стопанство“ повреден во пожарот што вчера избувна во близина на Струмица пред половина час починал на Центарот за изгореници во Градската болница „Св. Наум Охридски“ во Скопје.
Починатиот Б.С. е роден 1962 година и е од струмичкото село Рич. Тој заедно со своите колеги вчера се обидувале да го стават под контрола пожарот кај месноста Чамчифлик.
Неговиот 45- годишен брат П.С. почина веднаш по него кој беше во тешка состојба со изгореници од над 90% по телото од трет и четврти степен.
Во пожарот беа повредени луѓето кои биле дел од обезбедувањето на шумите и биле ангажирани во гаснењето. Најмладиот повреден е детенце кое си играло во близина на шумата.
Детето повеќе не е витално загрозено и се наоѓа во добра здравствена состојба, со изгореници од втор степен.
Во пожарот настрадаа 14 луѓе. Останатите десет се хоспитализирани во Струмичката болница и тие се наоѓаат надвор од животна опасност. Од Центарот за управување со кризи соопштија дека пожарот кој изби вчера попладне во Струмица и уништи 50 хектари борова шума е предизвикан од човечки фактор.