Душан Љубисављевиќ, од популарното дуо „Дуле и Коки“ ќе биде погребан утре во Штип.
Тој почина денеска во Клиничкиот центар во Скопје. Дуле ноќеска бил хоспитализиран во многу тешка здравствена состојба со силни болки и висока температура.
Според неофицијални извори од Клинички Центар, пејачот подолго време се лекувал, имал проблеми со црниот дроб, а причината за смртта неофицијално е откажување на работата на срцето.
Во меѓувреме, на неговата страна на Фејсбук, пристигнуваат изрази на сочувство од неговите колеги музичари и од фановите.
Во продолжение можете да го погледнете документарецот направен за Дуле и Коки, нивните почетоци, победата на „Макфест“…