Уутринава почина Драган Б. Костиќ, сопруг, татко и дедо, на 75-годишна возраст.
Последна почит ќе се одржи утре, недела, 21 декември од 12:30 – 13:30 во капелата на гробиштата Бутел.
Семејството изразува искрена и длабока благодарност до целиот тим и раководство на Државната неврохируршка клиника во Скопје, особено до д-р Благоја Шунтов,за грижата, посветеноста и хуманоста
Драган Б. Костиќ беше радио водител и музички уредник на Македонското радио, препознатлив по својата посветеност кон музиката и радиофонијата. Најголема популарност стекна како автор и водител на емисијата „Дискоселектор“, која остави значаен белег во радиопросторот и во музичката култура во Македонија.
Преку „Дискоселектор“, Костиќ ја приближуваше современата и квалитетна музика до широката публика, со внимателно избран репертоар и препознатлив уредувачки пристап. Емисијата се одликуваше со јасна концепција, музичка едукација и почит кон различни музички жанрови, што му донесе лојална слушателска публика.
Како радио професионалец, Драган Б. Костиќ придонесе за развојот на радиото како медиум, оставајќи трага кај слушателите и кај колегите со својата посветеност, стил и љубов кон музиката.