Со длабока тага и неверување ја примивме веста дека почина нашата драга колешка и актерка, Ленче Делова, соопштија од Драмски театар.
„Нејзиниот талент, топлина и насмевка ќе останат засекогаш во нашите срца и спомени. Театарот загуби уметник, а ние – пријател и прекрасен човек. Почивај во мир. Искрено сочувство до семејството и најблиските“, додадоа оттаму.
Делова е родена на 15 јуни 1948 година. Во кариерата има бројни улоги во Драмски театар и на телевизија. Добитничка е на наградите 1978: Награда „13 Октомври“ за учество во „Хамлет“ како ликот Офелија 1996: Награда за најдобро глумечко остварување, доделена за време на МТФ „Војдан Чернодрински“, Прилеп, за улогата на Трајанка во „Ни ќар – ни зијан“ 2006: Награда за животно дело „Војдан Чернодрински“