Почекајте да видите што се ќе открие истрагата за трагедија во Кочани, вели Мицкоски

Од:

Јасна е одговорноста на институциите во минатото. Имаме фалсификувана лиценца за работа. Почекајте да видите што се ќе открие истрагата, изјави денеска премиерот Христијан Мицкоски во врска со трагичната несреќа што се случи во Кочани во која загинаа 59 лица.

Коментрајќи ја оставката на градоначалникот на Кочани, Мицкоски рече дека градоначалникот имал доблест да си поднесе оставка, но дека одговорноста на општината во случајот со објектот е само во делот на комуналните инспектори.

– Објектот прво добил дозвола за градба, а потоа во 2014 година е дооформена таа парцела. Општината има ингеренции во делот на комуналните инспектори, односно да провери ако има тараса, дали таа одговора согласно елаборатот. Јасна е одговороста на институциите. Имаме фалсификувана лиценца за работа за кеш. Почекајте да видите што се ќе открие истрагата, изјави Мицкоски.

Повтори дека прифаќа одговорност доколку тоа е желба на поединци, но дека тоа ќе го стори откако ќе ги порази сите оние што на криминален начин дозволиле да се случи ова.

– Ја прифаќам одговорноста ако јас сум проблемот во оваа држава и ако тоа е желба на некои поединци, но нема да го имаат тоа задоволство додека не ги поразиме сите оние што на криминален начин го направија тоа што го направија, а потоа ќе одиме на избори и граѓаните ќе кажат кој ќе сноси одговорност и кој ќе оди во затвор, рече Мицкоски, кој заедно со министерот за здравство денеска ги посети повредените во пожарот во Кочани што се хоспитализирани на Клиничкиот центар во Скопје.

Би можело да ве интересира

Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови

16. Марш на ангелите во Кочани: До каде е постапката за полициските службеници за пожарот во „Пулс“?

Горан Наумовски

(ВИДЕО) Илиевски: Над 20 отсто од територијата на Македонија изгоре во пожари, не му оди на Мицкоски со патриотизмот

Земјотресот што пред 62 години го погоди Скопје е потсетник дека животот може да се промени за миг, вели Мицкоски

Мицкоски за демографијата: Создавањето семејство е патриотски чин и денес така се брани иднината на Македонија

Мицкоски: Времето кога парите завршуваа во приватни џебови е минато, денес секој денар се гледа на терен, во нова улица, нов натпатник, продолжуваме да градиме