Седнете и нешто сработотете, почитувајте го народот и не го потценувајте, престанете да бидете арогантни, му порача лидерот на ВМРО-ДПМНЕ Никола Груевски денеска на СДСМ, во говорот на 22. роденден на УМС на ВМРО-ДПМНЕ.
Тој посочи дека од освоените четири градоначалнички места, еден од нив, како што рече, ги извиси граѓаните од неговата општина со тоа што има поважна работа и оти од цела недела само еден ден ќе бил во Струмица.
– Оној првиот вели дека само еден ден во неделата ќе бил градоначалник, а дека другите денови друг ќе му ја води општината. Тоа е исто како мене да ме изберат за премиер, а јас да работам само еден ден и потоа да кажам дека имам поважна работа, рече Груевски.
Тој посочи дека и тој и неговата заменичка „си ги знае од порано“ и дека „тие му се стари муштерии“ кои по два пати губеле избори од него.
Другиот го решава прашањето со „една бандера“, третиот е посветен на тоа како да го сруши изграденото или она во градба, а четвртиот воопшто и не го знаеме, рече Груевски.
Седнете и сработете нешто! Глупост е кога ќе кажете дека народот е во право, дури и кога греши. Народот сака дела, му порача лидерот на ВМРО-ДПМНЕ на СДСМ.