Откако службата за општи и заеднички работи објави оглас за набавка на свежа и замрзната риба и морски плодови, денеска објави оглас за набавка на свежо месо.
Во огласот пишува дека ќе купуваат јунешко, јагнешко и свинско без да се прецизира за колкава количина станува збор. Услугата, Службата за општи и заеднички работи ја проценила на 1.100.000 денари без вклучен ДДВ.
Тендерот за замрзната и свежа риба и морски плодови беше објавен вчера а неговата проценета вредност беше 420.000 денари без вклучен ДДВ. Премиерот Никола Груевски минатиот месец презентираше кампања за здрава исхрана.
Тогаш пред јавноста соопшти дека здравата храна е предуслов за добар живот. На граѓаните им порача да јадат многу зеленчук и овошје исклучувајќи го компирот. Груевски меѓу другото рече дека кога станува збор за внесување на протеини граѓаните би требало да конзумираат риба и пилешко месо но не и црвено месо кое му штети на здравјето.
