Поранешниот градоначалник на скопски Аеродром, Ивица Коневски, отворa адвокатска канцеларија во центарот на Скопје.
Тој е дипломиран правник, а досега во кариерата не работел како адвокат. Тој на последните локални избори изгуби од неговиот противкандидат од СДСМ, Златко Марин, по што одлучи да ѝ се посвети на неговата професија.
39-годишниот Коневски дипломирал на Правниот факултет при Универзитетот „Свети Кирил и Методиј“ во Скопје, а како член на ВМРО-ДПМНЕ во 2005 година е избран за член на Советот на Град Скопје.
Коневски беше градоначалник на Општина Аеродром, во периодот од 2009 до 2017 година. Коневски ќе остане запаметен и како градоначалник кој општината ја претвори во црковна општина, во која на повеќе локации се изградени помали или поголеми световни објекти и огромен крст.