Вчера во 19.05 часот, во врска со пожарот во гостиварското село Добридол, кој е локализиран, полициски службеници го лишиле од слобода 34 годишен жител од истото село.
Поради постоење основано сомение дека го предизвикал пожарот, тој е приведен и по целосно расчистување и документирање на случајот ќе следува соодветен поднесок против него.
Ова е петто приведено лице во врска со сомненија за предизвикување пожар во последниве три дена.
Во текот на денешниот ден беа приведени по едно лице за пожарите во прилепско и радовишко, вчера за пожар во ресенско, а на 04 август беше лишен од слобода албански државјанин за пожарот над селото Пожаране, Општина Врапчиште. Во меѓувреме полициски службеници постапуваат и во врска со двете осомничени лица за пожарот кај Блаце и во координација со Јавен обвинител за пожарот кај Старо Нагоричане.
