Андреј Петров, кандидат на Сојузот за иднината за градоначалник во општина Карпош, денеска им порача на граѓаните од оваа општина дека како иден градоначалник не им ветува брда и планини, туку реални и оствaрливи проекти кои се во нивен интерес и за нивни потреби, а не за теснопартиски интереси.
Петров ја охрабри јавната администрација во Карпош да не подлегнува на партиски интереси и самата да се избори за подобри работни услови.
– Ниту еден вработен во јавната администрација во Карпош кој работел чесно и поштено нема потреба да се плаши за своето работно место. Како иден градоначалник на оваа општина, мојот приоритет се граѓаните, нивните маки и проблеми. Тоа ќе биде лајф мотото во мојата работа – вели Петров.
Тој им се заблагодари на сите граѓани што сесрдно ја прифатиле неговата демократска кампања и вети подобра иднина за Карпош.
– Јас, за разлика од некој мој против кандидат кој вчера тврдеше дека „Не може нам нико ништа, јачи смо од судбине“, покажав и докажам што знам и се гордеам со своето знаење – нагласи кандидатот на опозицијата за градоначалник во општина Карпош.
Темјана Поповска