Сашко Петров ги демантира информациите дека е еден од потенцијалните кандидати за нов претседател на СДММ.
„Сакам да ја информирам јавноста дека ова се типичини внатрепартиски влијанија кои го злоупотребуваат моето име. Со мене до сега никој не контактирал или консултирал на оваа тема. Исто така сакам јасно да кажам дека никогаш не станало збор дека и пред конгресот на партијата некој одлучил, или има право да одлучи за каква и да било функцијата во партијата.
– Сето ова што излезе во јавност, најпрво не е согласно статутот на партијата, и излегува дека оваа вест е типично чаршиско озборување.
Повеќе од очекувано е дека овие работи ќе се случуваат поради поразот кои го добивме на локалните избор.Се набрзо, на следниот партиски конгрес ќе се знае кој на која позиција ќе биде. Бидете стрпливи!”, вели Петров.