Полицијата извести дека вчера во 13.40 часот во СВР Тетово било пријавено дека на регионалниот пат Тетово – село Брвеница, се случила сообраќајна несреќа помеѓу возило „фолксваген пасат“ управувано од А.К.(56) од село Горна Речица, тетовско, возило „мерцедес“ управувано од Б.З.(36) од село Желино, тетовско, како и паркирано возило „мерцедес“ сопственост на М.Ќ.(38) од село Боговиње, тетовско.
Во несреќата од движечкото возило „мерцедес“ со тешки повреди се здобиле две сопатнички – З.Р.(52) и една малолетничка, додека со телесни повреди од истото возило се здобиле возачот Б.З. како и уште две негови сопатнички – Р.З.(34) и Р.З.(26) сите од село Желино.
Повредите се констатирани во Комплексот клиники „Мајка Тереза“ во Скопје. Извршен бил увид од увидна екипа од СВР Тетово.