Вчера, во времето од 13 до 18:30 часот на граничниот премин „Богородица“, на влез во Р Македонија, од страна на петмина државјани на Р Македонија е пријавено дека за време на престојот во Грција во текот на празниците од нивните автомобили биле украдени предните и задни регистарски таблици, а едно од возилата било и оштетено, при што му биле изгребани две врати.
Случаите се пријавени и во грчката полиција, за што на македонските државјани им се издадени соодветни документи.