Алојз Петерле, пратеник во Европскиот парламент и претседател на Делегацијата на ЕП на Мешовитиот парламентарен комитет Република Македонија – Еворпска Унија, оценува дека е постигнат напредок за градење доверба помеѓу Атина и Скопје, но дека се очекува дека ќе следат и конкретни чекори.
– За да се најде решение за спорот во врска со името на Македонија, а тоа да биде прифатливо за двете страни, потребно е да вложат напори и Атина и Скопје, вели Петерле и нагласува дека е поголем оптимист отколку пред една година дека е можно да се постигне решение прифатливо за двете страни.
Тој истакнува дека тие кои ја следела целата ситуација во Македонија го поздравиле завршувањето на политичкиот застој кој долго време ја парализирал Македонија на патот кон ЕУ.
– Очекувањата од оваа Влада се уште се во рана фаза за да се види колку и што може да исполни од ветувањата кои ги даде во кампањата. Сепак задоволен сум што можам да слушнам дека многу соговорници гледаат нови моменти во соработката меѓу Брисел и Скопје. Треба да продолжиме да го надградуваме тој процес, вели Петерле.
Тој изрази уверување дека македонскиот политички врв знае што точно треба да направи за да се затвори процесот за приклучување кон ЕУ.
Во неговото интервју за „European Western Balkans“, Петерле како значајно прашање ги истакнува меѓуетничките односи, бидејќи тие се од клучна важност за припадниците на сите етнички ентитети да се чувстуваат како во своја куќа и да бидат вклучено во процесот на носење одлуки. За постигнување на тоа, најгаслува дека треба да се продолжи со изградбата на меѓуетничка доверба.