Едно лице е потешко повредено, додека 4 лица се здобиле со повреди и се пренесени во болницата во Штип, по сообраќајна несреќа која се случила меѓу три возила.
Несреќата се случила на регионалниот пат Штип- село Кадрифаково, во близина на надвозник за селото К.Дол. се судриле три возила, од кои едното „фолксваген“ со велешки таблички, и две возила „фиат“ и „опел“ со регистарски таблички од Свети Николе.
Потешко е повреден е возачот на опелот, 38 годишен жител на село Анзибегово, светиниколско.
„На 18.05.2023 околу 15.10 часот во СВР Штип било пријавено дека на регионалниот пат Штип-с.Кадрифаково, во близина на надвозник за с.К.Дол, се случила сообраќајна несреќа помеѓу патничко возило „фолксваген“ со велешки регистарски ознаки, управувано од С.В.(52), патничко возило „фиат“ со светиниколски регистарски ознаки, управувано од Л.Х.(51), двајцата од с.Мустафино, светиниколско и патничко возило „опел“ со светиниколски регистарски ознаки, управувано од И.Д.(38) од с.Анзибегово, светиниколско. Во несреќата со тешки телесни повреди се здобил возачот на „опел“, И.Д., додека со телесни повреди се здобиле возачот на „фиат“, Л.Х., сопатниците од возилото „опел“, Б.С.(24) и Ф.Х.(26), двајцата од Свети Николе и сопатникот од возилото „фолксваген“, Д.П.(34) од Велес, констатирани во Клиничката болница Штип. Увид на местото на настанот извршила екипа од СВР Штип.“ велат од МВР.
На сите повредени им е укажана помош во Клиничката болница во Штип.