Во СВР Битола било пријавено дека вчера околу 19.30 часот на магистралниот пат Прилеп – Битола, во близина на надвозник на Технолошко индустриската развојна зона Прилеп, товарно возило „МАН“ со полуприколка управувано од З.Д.(50) од Скопје, удрило во пешакот О.Б.(74) од прилепското село Беровци.
Од здобиените повреди на местото починал пешакот О.Б., а смрт констатирал лекар од Итна медицинска помош.
Увид на местото на несреќата извршила увидна екипа од ОВР Прилеп, а по наредба на јавен обвинител, телото на починатиот било дадено на обдукција.