Пензионер од Богданци оштети четири паркирани возила, извести полицијата.
Според МВР, вчера во полициската станица во Гевгелија е пријавено дека на улицата „Маршал Тито“ во Богданци, Б.П.(78) управувајќи возило „даеву“ изгубил контрола над возилото и удрил во четири паркирани возила, „мерцедес“, во две возила „фиат пунто“ и во „пежо“.
Во несреќата, возачот Б.П. се здобил со тешки телесни повреди констатирани во Јавна здравствена установа Гевгелија.
Увид извршила екипа од полициската станица од Гевгелија.