Вечерва во Прилеп се одржа трибина на СДСМ и коалицијата “Заедно со граѓаните”, претседателскиот кандидат на СДСМ за изборите 2014 година повика да излеземе на улица и да им дадеме поддршка на студентите, јави Револуционермк.
“На 10 декември во Скопје е закажан голем студентски протест на Студентскиот пленум, би ве замолил сите немојте да се обрукаме како луѓе и да не им дадеме поддршка.Сите тие се наши деца и сите тие ја бијаат само својата битка тие ја бијаат и нашата битка или заедно со нив ќе ја добиеме оваа битка или сите заедно ќе пропаднеме !”
Пендаровски исто така објасни што прави опозицијата во овој момент:
“Опозицијата прави две работи кои што мора да ги прави, а и мене друга алтернатива.Најпрво опозицијата комплетно се повлекува од централните институции после последните избори, со цел да се делегитимираат институциите, поради тоа што ако останат внатре во системот стануваат соучесници на таквите криминални избори.И второ опозицјата инсистира такви криминални избори да не се повторат никогаш повеќе.Ја слушнавте и изјавата на специјалниот известувач Ховит кој што јасно спомна дека во Македонија може да се повтори 2001 година, и тој ли е од СДСМ ? Не не е ни од СДСМ, не е човекот од Македонија.”
Пендаровски ја критикуваше актуелната намера на власта да го смени државниот грб, потенцирајќи дека такво нешто не направил ниту Фидел Кастро. Како што рече Пендаровски, ниту на Кастро не му паднало на памет да ја менува историјата на сопствениот народ.
Генералниот секретар Оливер Спасовски кој недвосмислено кажа дека прифаќање на пратеничките мандати НЕМА, опозицијата останува надвор од Парламентот на Република Македонија.
“Ме сретнаа неколку граѓани надвор пред да влеземе во салата ме прашуваат, дали вечерва нешто во Прилеп ќе пукне, им одговорив вечерва Груевски пукна од мака зошто е вака во Прилеп.Овие трибини, дебата со јавноста и разговори пред се ги правиме за да вратиме нешто што и недостасува на Македонија.Да се слушнат различни мислења, во државата и од тоа да извлечеме заклучок за попросперитетна Македонија.Многу теми не мачат, многу прашања немаат одговор и притоа никој не сака да разговара, а намјногу оние кои што носат сериозна одговорност.Бега Груевски, бегаат министрите и никој не сака да се соочи со граѓаните.Ние сакаме затоа како здружена опозиција и цел тим кој е вечерва со мене, да разговараме со граѓаните, да ја слушнете нашата визија и да ги слушнеме вашите предлози за подобра Македонија.Не за ваква Македонија, туку за поинаква демократска слободна и европска Македонија, таква каква што започна да ја гради претседателот Киро Глигоров.”
На прашање од посетителите на трибината претседателката на комисијата за земјоделие, Прентовиќ предложи тутунските комбинати да го откупат цел произведен тутун, па потоа да бараат пласман на истиот, да не претпрат штета тутунарите.
Пратеничката на НСДП уште еднаш ја потврди поддршката на коалиционите партнери за неприфаќањето на пратеничките мандати.
извор: Револуционер.мк