Македонскиот ПЕН центар ,како дел од Меѓународниот ПЕН, го осуди нападот врз новинарската екипа на весникот Шарли Ебдо во Париз и изрази згрозување од овој чин.
– Изразуваме и уверување дека овој настан претставува само мотив повеќе за сплотеност и истрајност во основните принципи на ПЕН. Во овој миг, како никогаш порано треба да покажеме дека ваквите насилнички акти нема да не поколебаат во меѓусебната поддршка за развојот на демократските принципи во светот, се вели во денешното соопштение на Македонскиот ПЕН центар.
Оттаму апелираат конфликтите и недоразбирањата во светот особено, како што велат, тие во кои се инволвираат писатели и новинари да се решаваат преку дијалог како што прилега на демократските достоинства на нашата цивилизација, а не со оружје.