Директорот на КПУ Идризово, Живко Пејковски за А1он го демантира соопштението на ДОМ. Тој вели дека во 2017 година се починати четири лица и ги повика надлежните институции да ги испитаат случаите.
– Во врска со соопштението од ДОМ, најостро демантирам дека изнесеното има и најмала врска со вистината. Во 2017 година се починати четири лица и ги повикувам сите надлежни институции – Управата за санкции, Министерството за правда, Народниот правобранител, Јавниот обвинител да дојдат во Идризово и да ги испитаат сите случаи. Доколку постои и најмал сомнеж за моето работење, нема да чекам ДОМ да ме прозива, туку сам ќе си поднесам оставка, вели Пејковски за А1он.
Тој побара ДОМ да се информираат лично од него за ситуациите кои ги елаборираат и нагласи дека неговиот телефонски број е јавен.