Полицијата од ГП „Богородица“ во соработка со цариниците и работници од МЖ, вчера во 10:15 часот на железничката станица во Гевгелија во товарен воз кој сообраќал на релација од Солун за Косово откри 50 странски државјани од Авганистан, Сирија и Пакистан, соопшти МВР.
Лицата се обидувале нелегално да ја преминат границата од Грција во Македонија.
По преземени мерки мигрантите се предадени на граничниот премин Идомени, Грција, а исто така предадени се и три лица – државјани на Сирија, кои се откриени од страна на полицајците во Валандово, кои исто така се обиделе нелегално да ја преминат границата во Македонија.
Пред неколку дена повеќе од 100 илегални мигранти од Сирија и Ирак, беа откриени на железничка станица Велес во вагоните од товарен воз кој превезувал јаглен од Солун.
