Со целодневна програма денеска Oпштина Кисела Вода ќе одбележи 59 години од основањето.
Градоначалничката на Кисела Вода Билјана Беличанец-Алексиќ ќе додели ваучери за новороденчињата и награди за најуспешните основци од училиштата на територија на општината.
На свечена седница на Советот на општината, пак, ќе бидат доделени благодарници за луѓето и компаниите кои годинава биле заслужни за афирмирањето на оваа локална самуправа. Во паркот Шопен ќе се одржи концерт на Градскиот дувачки оркестар, а дел од програмата е и женско авторели, што општината го организира во соработка со женскиот Автофан клуб.
Во организација на Здружението на пензионери и Црвениот крст, во паркот Шопен, ќе се вршат бесплатни мерења на притисок и ќе се даваат бесплатни здравствени совети.