Павлина Црвенковска е нов претседател на Судски совет: Ќе придонесам да зајакне тимскиот дух

Од:

Павлина Црвенковска едногласно е изгласана за претседател на Судскиот совет. Сите членови кои беа физички и онлајн присутни, гласаа за неа. Таа доаѓа на функцијата откако на Киро Здравев му истече мандатот. Црвенковска се заблагодари за довербата и кажа дека со нејзиниот професионален интегритет ќе ја извршува функцијата.

„Претседателот на Судскиот совет го претставува советот, раководи со седниците, ги потпишува сите одлуки и решенија кои се донесени, а воедно е и претседател на судско-буџетскиот совет. Функцијата која ми е дадена ја сфаќам како прва меѓу еднаквите. Ние сме колективно тело, ги носиме одлуките со мнозинство гласови. Јас ќе придонесам што веќе да се зајакне тимскиот дух. Се надевам дека степенот на доверба кај граѓаните во судството ќе биде покачен за барем едно ниво“, рече Црвенковска.

Седницата за избор на претседател ја водеше заменик претседателот на Судскиот совет, Милазим Мустафа. На седницата не присуствуваше експретседателот Киро Здравев, министерот за правда Бојан Маричиќ, како и дел од членовите.

Би можело да ве интересира

Пријавена корупција во штипска апелација, Судскиот совет ќе утврдува одговорност на судиите откако ќе прими барања од оштетените

Ана Ололовска

Судиите не се чувствуваат доволно поврзани со работата на Судскиот совет, кој треба да покаже целосна транспарентност

А1он

Црвенковска: Намалувањето на бројноста на судиите штетно ќе се одрази врз функционалноста на судскиот систем

А1он

Судскиот совет констатира престанок на судиската функција на Владимир Туфегџиќ

А1он

Владимир Туфегџиќ побарал од декември да не биде судија: Се губи смислата за понатаму, ако нема напредување во кариерата

Кристијан Ландов

Судскиoт совет разреши судија и избра четворица претседатели на основни судови

Жарко Настоски