Комуналните служби на Аеродром во придружба на полицијата од денеска ќе почнат со засилени патроли низ општината за да утврдат дали граѓаните ги шетаат своите миленици со маска на устата и дали се почитуваат правата на велосипедистите.
Општина Аеродром апелира до граѓаните да ги шетаат своите миленици со маска на устата и да носат ќеси за собирање на изметот што тие зад себе го оставаат на јавните површини.
Шетањето на милениците со маска и собирањето на нивниот измет е обврска на граѓаните што произлегува од Законот за прекршоци против јавниот ред и мир и Законот за јавна чистота. Доколку не се почитуваат одредбите од овие два закони следуваат казни во износ од 100 до 400 евра во денарска противвредност.
Општина Аеродром апелира до граѓаните да го почитуваат правото на велосипедистите и ролерџиите да ги користат патеките покрај Вардар и покрај булеварите наменети исклучиво за нив, пред се од безбедносни причини.
Велосипедските патеки не смеат да ги користат пешаци, мотоциклисти и лица кои ги шетаат своите миленици бидејќи претставуваат потенцијална опасност за велосипедистите и ролерџиите, за кои се наменети овие патеки.