Граѓанската иницијатива „Кислород„ за в среда 31-ви јули 2013 во 20 00 ч. спроти Бристол ги повикува граѓаните на собир. Еве што стои во нивниот проглас:
Конечно се среди се’ околу паркот и дрвата спроти Бристол. Паркот ќе остане, а дрвата нема да ги сечат. За тоа ние сме неизмерно благодарни.
Во таа чест, „Кислород“ продолжува, но со малку поинаков концепт. Се собираме за да ја искажеме и нашата благодарност бидејќи сеуште дишеме. А најзаслужен за тоа што не дозволи паркот да биде уништен е само еден човек. Затоа паркот ќе го носи неговото презиме.
Паркот ќе се вика „Парк во чест на Груевски“.
Повторно во среда, 31-ви јули 2013 на истото место во 20 часот. Ве повикуваме да ја искажеме нашата почит кон него.