Паолучи: Недостатоците почнуваат рано во основното образование, а опстојуваат понатаму

Од:

Иако пристапот до образованието е подобрен, квалитетот на образованието и натаму е предизвик како што е потврдено од резултатите на учениците во Македонија на меѓународните тестирања, дека недостатоците почнуваат рано во основното образование, а опстојуваат понатаму, истакна директорот на Светска банка (СБ) во државава Максимилијано Паолучи на денешната презентација на проектот за унапредување на основното образование во вредност од 21,5 милиони евра преку СБ.

Според индексот на Светска банка за човечки капитал за 2020 година, како што наведе Паолучи, децата родени денес во Македонија ќе бидат 56 проценти продуктивни отколку што би можеле да бидат доколку уживале целосно образование и здравство.

Паолучи предупреди дека пандемијата со Ковид-19, за жал се заканува уште дополнително да ги влоши исходите во основното образование.

-Со тоа што голем дел од учениците не ги совладуваат основните вештини за понатаму во животот подобрување на квалитетот на образованието е императив заедно со надминување на нееднаквоста и на јазовите помеѓу учениците од различни социоекономски карактеристики, наведе Паолучи.

Како што нагласи, проектот за подобрување на образованието ќе ја поддржи Владата во спроведување на сеопфатни реформи како основа за долгорочни подобрувања и со тоа ќе придонесе за градење модерен , ефикасен, продуктивен систем во Македонија и поконкурентен човечки капитал.

Тој информира дека проектот ќе соработува директно со основните училишта за унапредување на условите за учење, истовремено, како што потенцира, надоместувајќи ги загубите од учењето што се генерирани поради пандемијата.

-Ќе ги поддржиме ранливите групи, вклучително и Ромите, како и учениците кои се негативно погодени од кризата со Ковид-19. Фокусот на еднаквоста и квалитетот ќе и помогне на Македонија да го подобри својот човечки капитал, да ја подобри продуктивноста на пазарот на трудот и да поттикне поинклузивен пазар на трудот, истакна Паолучи.

Средствата што ги доби државава од СБ за проектот за образованието ќе бидат насочени кон инвестиции во училишната инфраструктура, зајакнување на компетенциите на наставниот кадар и за реформата за следење и оценување на националниот прогрес во учењето, која има за цел развивање на програма за државно тестирање.

Би можело да ве интересира

Некои училишта не ги земаат предвид реакциите на Народниот правобранител за свидетелствата

Ана Ололовска

Павиќевиќ: Срамно е да се наплаќаат свидетелства, особено во година со онлајн настава

Ана Ололовска

Професори од Уметничко ќе протестираат пред МОН, директорот ги терал да работат на Задушница

Жарко Настоски

Заврши пандемиската учебна година, од коронавирусот зависи каква ќе биде наставата од септември

Катерина Павлова-Николовска

Нова паралелка со 25 ученици од идната учебна година во средното училиште во општина Илинден

Ана Ололовска

Отворена информативна веб-страница за реформите во основното образование

Ана Ололовска